संघर्षको कहानी तिम्रो पनि मेरो पनि
उस्तै उस्तै नादानी तिम्रो पनि मेरो पनि ।
दुखाइ पिडा गाह्रो छ सहनलाई त्यता पनि
एकैखाले हैरानी तिम्रो पनि मेरो पनि ।
रसाउँछन् यी आँखाहरु वेदनाले मन दुख्दा
आँशुधारा सिरानी तिम्रो पनि मेरो पनि ।
जाउँ कतै अर्कैतिर अर्कै देश अर्कै भूगोल
आफ्नै थलो बिरानी तिम्रो पनि मेरो पनि ।
कसलाई भन्ने पीरहरु कसले बुझ्ने कसले सुन्ने ?
भार भयो जवानी- तिम्रो पनि मेरो पनि ।
संघर्षको कहानी तिम्रो पनि मेरो पनि
उस्तै उस्तै नादानी तिम्रो पनि मेरो पनि ।