भूपि शेरचनको कविता- मेरो देश

जहाँ हिउँ परेको रातमा जून, धरतीलाई भेट्न हिमकणहरुको साथमा मुस्कुराउँदै ओह्रालो झर्छ, र धरतीलाई सर्वाङ्ग हाँसेको पाएर झन् बढी मुस्कुराएर आकाशमा फर्कने गर्छ जहाँ आलुबखडाका हाँगा–हाँगामा फुल्दछन् कुखुराका चल्लाहरु जहाँ मृगमरीचिका पछि लाग्नेहरुको यादमा रुन्छन् धूपी र सल्लाहरु जहाँ मुटुको स्पन्दनझैँ उफ्री–उफ्री खेल्छन् मृगशावकका हूल जहाँ पहराबाट छहराले खोलामा हाम्फाल्दछ जहाँ– रातमा पनि हिमचुलीले आँगनमा […]

कवि

सारङ्गी बजाइरहेको गाइने गाडीको चहलपहल मान्छेको ओहोरदोहोर पसलको घुइँचो गल्लीको हल्लाखल्ला । कति सरल छन् कुराहरु! उही जीवन उही दैनिकी सधैँको झैँ फगत एउटा दिन एउटा घटना तर थाहा छ- कुनै कवि बसेको हुनसक्छ यतै छेउछाउ र कविता लेख्नसक्छ उस्तै आमजीवनलाई मोहर पालीस लगाएर दुरुस्तै मैजस्तै… वाहियात्   0 Facebook 0 Twitter 0 Linkedin 0 […]

प्रस्ताव

बोलेको कुरा सम्झेर राख यो जीवन तिम्रै भो । दिएको वचन लेखेर राख यो जोवन तिम्रै हो । ढाँटेको होइन- बुझ न प्यारी माया छ अथाह । सम्झेर बस्छु दिनरात- मनमा तिम्रै र पर्वाह । साँचेर राख्नु मायाको चिनो भेटमा दिनु है ! म पनि प्रीति सम्हाली दिउँला लजाउँदै लिनु है ! @ विस्मय ! […]

समय एकैछिन अडिए

समय एकैछिन अडिए ! उडिरहेका बादलका टुक्राटाक्री समेटेर भरिदिन्थेँ तिम्रै केशभरी । बत्तिरहेको हावाबाट बटुलेर शीतको थोपो तप्काइदिन्थेँ तिम्रै मुहारमाथि । सपक्क मिलाउँथेँ कानमुनी लत्रिएको केश र पुछिदिन्थेँ आँखैमुनि लत्पतिएको गाजल अनि लिनेथेँ ओठमाथी मिठो चुम्बन । समय एकैछिन अडिए ! @ विस्मय ! 0 Facebook 0 Twitter 0 Linkedin 0 Facebook-messenger 0 Viber 0 […]

स्वाद

मकैका खोसेला नाङ्गिएझैँ उदाङ्ग थिए हाम्रा रहरहरु। उन्मुक्त हुन्थे बाली खन्याएपछिका गह्राहरु जसरी स्वतन्त्र थियो जिन्दगी। हरिया मकैका दुधे दानाहरु झैँ कति अबोध थियो बालापन! संसारको जुनै कुनामा पुगौँ, या चाखौँ दुनियाँकै मिठो फल। तर त्यो स्वाद अमर रहनेछ.. @ विस्मय ! 0 Facebook 0 Twitter 0 Linkedin 0 Facebook-messenger 0 Viber 0 Whatsapp

चुम्बन

फुत्त उड्छ मनबाट निस्किएर आत्माको एउटा सानो हंस र खुल्छ ब्रह्मको द्वार । ठप्प जम्छन्- विचारहरु विचारका वेगहरु । विचारश‍‍ून्य, भावश‍ून्य समाधिस्थ, बौद्धशून्य… बिल्कुल् शान्त बन्छन् आवेगका उत्ताल लहरहरु । तिमीलाई थाहा छ नि हैन? कति धेरै सम्भावनाहरु लुकेका हुन्छन्- केवल एक चुम्बनमा ! @ विस्मय ! 0 Facebook 0 Twitter 0 Linkedin 0 Facebook-messenger […]

अचानक

अचानक एक दृश्य आउँछ र सर्लक्कै बिलाएर जान्छ आँखाका पर्दाहरुमा । अचानक एक याद आउँछ र सुस्तरी बढाएर जान्छ मुटुको ढुकढुकी । अचानक एउटा प्रेम उर्लिन्छ र ब्युँझाएर जान्छ मुर्झाएका विगतहरुलाई । आजकल- धेरै कुरा अचानक नै हुनेगर्छ जसरी अचानक घट्ने गर्थे कुनै समय अनेकन घटनाहरु । @ विस्मय ! 0 Facebook 0 Twitter 0 […]

यो पटक त यस्तै भयो

सुनाउन आएकी थियौ मनको पीर । कति थियो उथलपुथल कति थियो अस्थिर ! मनको एकालापमा हेर न ! म पनि भुत्भुताइरहेँथेँ त्यही बेला र तिमी टुप्लुक्कै आइपुग्यौ… पढ्यौ त होला नि हैन ! मेरा आँखाहरु ओठहरु मुहारको शुष्कता मनको उदासी अर्को पटक भेट्न आउँदा पक्कै लिएर आउनेछु आफूलाई प्रिय, यो पटक त यस्तै भयो ! […]

त्यो अब सम्भव छैन

सजाएर राख्न भन्छौ तिमीले दिएको फूलको थुङ्गो जुन उहिल्यै ओइलाइसक्यो । जतन गर्न भन्छौ तिमीले ओढाएको रेशमी बर्को जुन कहिले फाटिसक्यो । संसारमा कति धेरै परिवर्तन हुन्छ- घाम, पानी, तुषारो पर्छ हेर्दाहेर्दै बदलिन्छ, ऋतु, मौसम, साल । अनि भन्छौ- पुरानो म चाहियो भनेर ! प्रिय, त्यो अब सम्भव छैन… @ विस्मय ! 0 Facebook 0 […]

एउटा मान्छेको मायाले पनि

काफी छ एउटै यात्रा गन्तव्यमा पुग्नलाई । काफी छ एउटै मुस्कान मुहार उजिल्याउनलाई । धेरै फरक पार्छ जिन्दगीमा- एउटा हातले एउटा साथले एउटा बोलीले एउटा यादले… जसरी- थोपा थोपा मिलेरै बन्छ पानीको धार धार बग्छ, मिल्छ र बन्छ नदी नदी बग्छ र समाहित हुन्छ विशाल सागरमा । एउटै मान्छेको मायाले पनि धेरै फरक पार्दछ जिन्दगीमा… […]